3 ліпеня адзначаецца дзяржаўнае свята ─ Дзень Незалежнасці Рэспублікі Беларусь. Гэта гістарычна значная дата ў лёсе краіны, якая стала для яе грамадзян сімвалам свабоды і міру. У гэты дзень у 1944 годзе сталіца дзяржавы Мінск была вызвалена ад фашысцкіх захопнікаў. На рэферэндуме 1996 года 3 ліпеня і было абрана ў якасці афіцыйнай даты свята. Поўную незалежнасць Рэспубліка Беларусь атрымала ў працэсе распаду СССР 26 снежня 1991 года.
Беларусь паспяхова справілася з пастаўленымі важнымі задачамі, прайшоўшы ўсе этапы станаўлення ў якасці незалежнай тэрыторыі. Сёння суверэнітэт Рэспублікі з’яўляецца гарантыяй падтрымкі дзяржаўнай улады народам.
Дзень Незалежнасці ─ гэта свята ўсіх, каму дарагія нашы агульныя каштоўнасці: любоў да Радзімы, жаданне працаваць для яе росквіту, добрае стаўленне да блізкіх і родных людзей, рэалізацыя пастаўленых задач, накіраваных на агульнае дабро.
Супрацоўнікі дзяржаўнага прадпрыемства «БелЭЗ» прынялі ўдзел у Народным ускладанні на плошчы Перамогі. У ходзе мерапрыемства ўсклалі кветкі да помніка Перамогі ў Вялікай Айчыннай вайне.
