Свята Вясны і працы

1 Мая супрацоўнікі нашага прадпрыемства з энтузіязмам прынялі ўдзел у святкаванні, арганізаваным Федэрацыяй прафсаюзаў Беларусі. У гэты дзень традыцыйна адзначаюцца дасягненні перадавікоў вытворчасці, ветэранаў працы і актывістаў прафсаюзнага руху. Мы выказваем падзяку ўсім, хто сваёй штодзённай працай спрыяе развіццю і росквіту нашай сталіцы.

Асноўнай пляцоўкай для святкавання стаў парк Перамогі, дзе была падрыхтавана насычаная праграма. Тут працавалі шматлікія інтэрактыўныя і выставачныя зоны, арганізаваныя рознымі прафсаюзамі і сацыяльнымі партнёрамі.