У Мінску 25 сакавіка 2025 года адбылася інаўгурацыя Прэзідэнта Рэспублікі Беларусь

Інаўгурацыя — ключавая падзея для любой краіны. У Беларусі гэта падзея набывае асаблівае значэнне, улічваючы важнасць прэзідэнцкай улады ў нашай сістэме кіравання.

Супрацоўнікі прадпрыемства вырашылі стаць часткай гэтай значнай падзеі і наведалі Кастрычніцкую плошчу, каб вітаць картэж Прэзідэнта. Атмасфера на плошчы была напоўнена чаканнем і хваляваннем. Менавіта ў такія моманты, калі ўся краіна збіраецца разам, надыходзіць усведамленне, наколькі важная наша роля кожнага з нас у фарміраванні будучыні.