У Мінску адкрыўся Нацыянальны футбольны стадыён

Узвядзенне гэтага маштабнага спартыўнага аб’екта, якое стартавала ў жніўні 2020 года, было паспяхова завершана ў канцы 2024 года. Вакол стадыёна «Трактар» вырас сучасны спартыўны кластар, які стаў кропкай прыцягнення для ўсіх, хто вядзе актыўны лад жыцця. Арэна, разлічаная на 33 тысячы балельшчыкаў, адпавядае ўсім сусветным патрабаванням, што дазваляе праводзіць тут спаборніцтвы самага высокага ўзроўню.

Першай спартыўнай падзеяй, якая адзначыла пачатак працы стадыёна, стала гульня паміж маладзёжнымі зборнымі Беларусі і Кітая. Няхай матч і скончыўся нічыёй, эмоцыі ва ўсіх балельшчыкаў нашага прадпрыемства засталіся самыя яркія і незабыўныя!