Навагодняе прадстаўленне для дзяцей супрацоўнікаў

30 снежня 2024 года для дзяцей супрацоўнікаў прадпрыемства было арганізавана наведванне рэзідэнцыі галоўнага зімовага героя, якая размясцілася на галоўнай плошчы Першага Нацыянальнага гандлевага дома.

У ярка ўпрыгожанай зале дзеці з захапленнем назіралі за шоу-праграмай, падрыхтаванай галоўнымі героямі зімовых казак. Пасля займальнага прадстаўлення рабяты адправіліся ў чароўны домік, дзе пад кіраўніцтвам Снягуркі кожны атрымаў з рук зімовага чараўніка доўгачаканы падарунак.

Завяршылася мерапрыемства сумеснай фатаграфіяй на памяць, а таксама салодкім сталом, падчас якога дзеці актыўна дзяліліся сваімі ўражаннямі аб наведванні рэзідэнцыі Дзеда Мароза.