Дзяржаўнае прадпрыемства “БелЭЗ” прыняла ўдзел у рэспубліканскай добраахвотнай акцыі «Аднавiм лясы разам!»

Пасадка памятных насаджэнняў праводзілася ў Дзяржаўнай лесагаспадарчай установе “Краснасельскае”.

На прадпрыемстве ўжо стала добрай традыцыяй штогод высаджваць дрэвы, якія сімвалізуюць чысціню, свежасць вясны, адраджэнне, пачатак новага жыцця.

Як жа ўсё ж важна прывіць людзям беражлівыя адносіны да прыроды і лесу, бо чалавек, які пасадзіць хоць некалькі дрэў, пражывае жыццё не дарма.

Узброіўшыся ўсімі неабходнымі інструментамі работнікі прадпрыемства прыступілі да пасадкі дрэў, а гэта больш за дзве тысячы іглічных саджанцаў і каля сотні бярозак.

Сумесная стваральная праца на карысць нашай краіны з’яднала ўсіх.

Паводле слоў намесніка генеральнага дырэктара – начальніка ўпраўлення Алены Дзялендзік: “Беларусь – гэта адлюстраванне каштоўнасцей беларусаў. Усё гэта робіцца не толькі для сучаснікаў, але і для нашых нашчадкаў, якім багатая беларуская прырода дастанецца ў спадчыну”.

“Мы памятаем мінулае і беражэм сучаснасць!

Упарта працуем і клапоцімся аб прыродзе!

Суперажываем і заўсёды гатовы працягнуць руку дапамогі!

Шануем традыцыі і пераемнасць пакаленняў!” – менавіта пад такім дэвізам праходзяць працоўныя будні працаўнікоў прадпрыемства.